السلام عليكم ورحمه الله وبركاته..
شعارهم دائمآ ((حب وسلام..حن الابت يو)) انتي حره
تدور القصه حول اربع بنات صديقات واخوات يحبو المقالب ودايم يروحو للاشياء الغريبه ابدء اعرفكم با الشخصيات..
ايمان22سنه بالمستوى الثالث با الجامعه بنت حبوبه نحيفه لون بشرتها سمراء طولها وسط شعرها دايم تقصه قصات ولد وحركاتها كمان ولد..جريئه تحب الوناسه والفله خفيفه دم لها علاقات كثيره هوايتها الشعر وكتابت الخواطر ولعب الكوره..
غدير20سنه في المستوى الاول بالجامعه بنت حلوه وجذابه طبعها حنونه وخجوله حساسه عصبيه وصعب ترضى دلوعه هوايتها الرسم ولعب الكوره جسمها مره حلوه لون بشرتها حنطيه شعرها اسود طويل ناعم تحب تسوق السيارات حتى لو كانت متنكره والوناسه والفله..
هيفاء19سنه بالصف الثالث ثانوي نعومه مره تحب الوناسه بشرتها فاتحه شعرها طويل عادي مو مره ناعم ببعض الاوقات تكون عصبيه طيوبه مره حساسه امنيتها تركب سياره اخر موديل عندها حب استطلاع..
شوق18سنه بالصف الثاني ثانوي بشرتها بيضاء شعرها وسط وناعم طولها وسط تحب الوناسه والفله تعشق الطلعات تزعل بسرعه وكمان ترضى بسرعه امنيتها تركب سياره اخر موديل..
ايمان تحب خالد من سنتين بس مو هذاك الحب عادي عندها وهو كمان عادي عندهو عندها الموضوع مايفرق لها علاقات كثيره يعني الموضوع عادي..
غدير تحب نواف وتموت فيه وهو كمان يموت فيها ليهم مع بعض خمس سنوات الله يوفقهم حياتهم مره حلوه وكلها رومانسيه واكشن كمان مافيها اي خيانه..
هيفاء تحب ولد خالتها اخو ايمان وشوق من هما صغار بس ماكان احد يعرف بس لما كبروا صار شوق وايمان وغدير يعرفوا غيرهم مايعرف حياتهم كمان حلوه ومافيها اي خيانه..
شوق تحب عبد العزيز من اربع شهور طبعآ حياتهم فيها كثير من الخيانه بس هو مره يحبها اما هي دايم تخونه..
اتمنى تعجبكم الشخصيات
غدير:الو ايوه ايمان..
ايمان:يا الله غدير لحقي علي خالد يبغى يشوفني وانا مابغى اطول معاه ومو عارفه ايش اقول لماما
غدير:اوك كلامي امك بنروح الحديقه وبسرعه مانبغى نتأخر
غدير:اوك باي
خلصو البنات شغلهم واتجهزوا وطلعوا الحديقه واتفقت ايمان مع البنات على اساس بعد ربع ساعه من ركوبها السياره يتصلو فيها يقولو ان اهلها بيجو الحديقه وركبت السياره وبنفس الحديقه وبعد ربع ساعه اتصلو البنات على ايمان اتجي وايمان غيرت رايها معاد تبغى تنزل جلسوا غدير وهيفاء وشوق يسلفوا وتونسو
نواف::الو حبيبي غدير انتي باقي بالحديقه
غدير::ايوه ليش حبيبي؟؟
نواف::ابغى اشوفك اذا ماعندك مانع عشر دقائق بس
غدير::اوك حبيبي ابشوف الوضع كيف وبعطيك خبر
نواف::اوك حبي لا تتاخري علي
غدير بنات معليش انا بروح مع نواف وانتو انتبهو لحالكم كلمو ايمان تجي البنات لا انتي روحي وانتبهي لحالك قبل ماتتصل غدير على نواف شافت اهل ايمان جو الحديقه غدير انجنت بناااااااااااات لحقو شوفوا شوق اهلك جو ايش نسوي الحين لو يشوفونا يا الله بسرعه اتحركو خدو اللاغراض وكلمي اختك تجي
شوق::الو ايمان بسرعه ماما وبابا بالحديقه
ايمان::ياقلبي مو قلت لكم خلاص
شوق::اقولك ماما وبابا موجودين وكمان العيال الصغار انزلي بسرعه قبل لا يشوفونا ونتورط
ايمان::خلاص تعالو اطلعوا معاي السياره
غدير::انا مابطلع مع خويك خدي البنات وامشي انا مابطلع
ايمان::ليش؟؟
غدير::ومين هو عشان اركب سيارته بتنزلي ولا شلون
ايمان::ولو شفونا ماما وبابا ايش نقولهم
غدير:عادي واذا شفونا مو احنا قولنا لهم بنجي الحديقه خير ياطير بس المصيبه لو شافونا وحنا مو مع بعض ايش نقولهم..
نواف::الو حبيبي ماتبغي تشوفيني
غدير::اوك حبيبي انا منتظر تجي
خلاص روحي انتي وخدي البنات وانا بطلع مع نواف وخليكم قريبات عشانا نرجع البيت بدري مشت غدير على البحرمع نواف من غير مايحسوا ان احد وراهم او احد مراقبم وقفوا بالبحر وكانوا كثير مبسوطين بالسوالف مع بعض.. فجأه غدير شافت جيب الهيئه قريب منهم نواف شوف الهيئه جايه علينا جاء نواف بيحرك غدير خافت نواف وقف ماتحرك جتهم الهيئه..
المطوع::مين معاك وهاتي اثباثك
نواف::نزل من السياره معي اهلي وهذا اثباثي ورجع السياره
المطوع:: طيب انزل من السياره خد اثباثك
نواف::رجع با السياره على ورى وبياخد الاثباث
المطوع::ليش انزل عشان تاخد الاثباث
نواف::عادي هاتيه
المطوع::مارضي يعطي نواف انزل خده
نواف مارضي ينزل لاانه لو نزل بياخدوه وبعده غدير حرك السياره بيمشي المطوع لو حركت بنبلغ الشرطه نواف عادي بلغ و حرك نواف والهيئه وراهم تطارد كان مشغول بالجوال يتصل بأصحابه عشان يجو بس مافي فايده الي مايرد والي جواله مقفل وهو مسرع قابلتهم شاحنه كبيره غدير نواف انتبه الشاحنه هدء السرعه بأخر لحظه وبع ثواني من اتصاللات نواف المستمره على اصحابه رد ولد عمته..
نواف::الو فهد الحق علي انت فينك بسرعه
فهد::خير عسى مو شر انا بالمكان الفلاني
نواف::تكفى تعال بسرعه خط الكورنيش ابيك تاخد غدير الهيئه تطاردني ومابيهم يمسكوها
المكان الي فهد صح يودي علىنفس الخط الي نواف فيه بس انه بعيد شوي بعد ثواني ضاعت الهيئه من نواف وال مادخل نواف البلد الا خمس سيارات شرطه منتظرهم وهذا الي كان نواف خايف منه ومشى بسرعه جنونيه قطع الاشاره وخالف الخط وغدير الهدؤ الي هي فيه ياسبحان الله لو بنت غيرها كان دوخت نواف با الصراخ
نواف::غدير اسمعي بنزلك عند بيتكم
غدير::لا ياقلبي افرض اخوني عند البيت ولا احد شافني
نواف:طيب ياعمري شوفي الشرطه كيف ورانا مابغاهم يمسكوني وانتي معاي
غدير::طيب اسمع نزلني بهذا المكان وانت بسرعه امشي وان شاء الله مايلحقوني ولا يلحقوك
نواف::اشلون انزلك هنا البيت مره بعيد وشوفي كيف ظلام
غدير::انت ماعليك نزلني والبنات مو انا كلمتهم اكيد الحين هما قريب مني بيكون بيني وبينهم اتصال
نزلت غدير بسرعه ومشى نواف كمان بسرعه دخلت غدير اول بيت قابلت فيه عشان الشرطه وتخبت ورا الباب حقت الحوش لحسن حظها الباب كان مفتوح كانت بتمشي طوالي بس شافت ظلام وحي ماتعرف له طريق وبنفس الوقت خالها ساكن بنفس الحي وخافت اوللاد خالها يشوفوها ويعرفوها رجعت وانتظرت حتى الشرطه عدت وطلعت ونواف للاسف دخل على شارع مسدود وجاء بيطلع الا الشرطه حصرته كويس وغدير نزلت ولا كان راحت فيها
واخدت على قسم الشرطه وجت الهيئه وانهبلت لما ماحصلو البنت معاه
المطوع يسأل العسكري::فين البنت؟؟
العسكري::مالقينا بنت معاه كان لحاله
المطوع::راح لنواف يسأله فين البنت
نواف::اي بنت مامعاي ولا بنات ليش تتبل علي
نواف مارضي يعترف ابدآ والعساكر يسألوه وهو على نفس الحال مو راضي يعترف
المطوع::مايطلع الولد حتى يعترف مين البنت
ولحسن حظ نواف الضابط كان يعرفه وطمنه ونواف ماهمه شي لاانه عارف انه بيطلع بيطلع عنده واسطه كان كل همه يتطمن على غدير بس كيف الجوالات مو معاه..وشوي جاء ولد عمته وكثير من اصحاب نواف
نواف::فهد ولي يسلمك ابيك تروح تطمن على غدير هي با الحي الفلاني اتصل فيها انا الحين ماقدر اكلمها وطمنها اني بخير..
فهد::اوك الحين اروح وان شاء الله القيها
طلع فهد ونواف قسم الشرطه اصحابه عاملينه حفله فهد حس انه مراقب ماعرف يروح لغدير كان يتصل على جوالها مقفل اتصل فهد على واحد من الشباب الي عند نواف وطلب نواف..
فهد::الو نواف انا مراقب الضاهر بيرقبو كل واحد يطلع من عندك اخاف اروح لغدير يعرفوا وتروح فيها البنت وجوالها مقفل
نواف::الجوال مقفل ياشيخ قول غيرها لايكون البنت صار لها شي انا لازم اطلع من هنا لو على نفسي الله يخليك كيف اتطمن الحين انا مو واثق با حد غيرك واخواك با الدوم ايش العمل
نواف جته فكره طيب اسمع فهد بعطيك رقم وحده من صحباتها الي كانو معاها اتصل واسألها اسمها ايمان با الله تكفى وطمني
فهد::اوك هات الرقم055 اوك نواف ان شاء الله خير تطمن
فهد::اتصل على الرقم الو السلام عليكم الاخت ايمان
ايمان::ايوه مين
فهد::انا فهد ولد عمت نواف..نواف ادني الرقم الشرطه مسكته
ايمان::لالالالالالالالا وغدير فينها
فهد::يابننت الناس اصبري انا اتصل على غدير جوالها مقفل ونواف ارسلني للمكان الي هي فيه وابي تروح لها بس اني طلعت من الشرطه والحين انا مراقب وابي اتطمن ماكلمتكم ولاشي
ايمان::هي كلمتنا بس قالت ان البطريه بتطفى والحين مو عارفين هي قالت لنا المكان بس مو عارفين الوصف
فهد::اوك حلو انتو مع مين عشان ادله المكان
ايمان::احنا مع خوي وهو مو عارف شي لانه مو من عندنا
فهد::لا حول ويش الدلاخه هادي..طيب اسمعي انا بقولك وانتو امشو على وصفي تمام..انتو الحين فين
ايمان::حنا الحين قريبين من..
فهد::حلو......................
وصف فهد المكان ل ايمان ووصلت المكان وصدفه شافت غدير على الشارع العام عللاى الرصيف
ايمان::فهد هذا غدير قدامي خلاص طمن نواف وذا يقدر يكلمها بعدين خليه يكلمها عشان هي مابتهدا الحين حتى تتطمن بنفسها او بعد شوي انت كلمها..................
غدير::طلعت من ورا الباب شافت موكب شرطه كثير خافت تمشي وخافت ترجع البيت مشت عمت حالها تبغى البيت الثاني وقفت عند الباب وعملت حالها تدق الجرس وهي روحه بتطلع.. ان شاء الله ولا احد يطلع من اهل البيت ولا احد يجي من بر يارب استر يارب كانت تدعي من داخلها بعد ثوني راحت الشرطه وانتهزت غدير الفرصه ومشت بسرعه من هذا المكان مشت قابلتها ثلاث خطوط الخط الاول سيد بتمشي فيه خافت من الضلام والخط الثاني الي دخلت منه هي ونواف يوديه على الشارع العام خافت من الشارع العام قالت يمكن الشرطه ولا الهيئه تمر وتشوفها وتعرف انها هي والخط الثالث نور مضياء بس فيه شباب كثير خافت يزعجوه............
مشت با لخط الظلام شافت الطريق صعب وماحتقدر تطلع منه وفيه عماير تنبني قالت اكيد الحين في احد با العماير ويطلع لها بهذا الظلام رجعت للخط الي يطلعها على الشارع العام..
كانت تمشي حتى وصلت للشارع واشباب انواع المعكسات والارقام والي يبي يوصلها وهي ساكته ماردت على احد مع انه مو من عدتها تسكت لا احد يتكلم اويغازلها بس الحاله الي هي مو نقصتهم طنشت الشباب حتى طفشوا وتركوها كانت تمشي بالشارع مثل الغريب الي مايعرف هو فين حتى قابلت ببيت عاملين حراسه كلب عن بيتهم نبح الكلب فيها وهي بعيده من البيت اول ماسمعت الكلب ينبح صرخت بصوتها كله وجلست بالارض على ركبتها ويده عللى وجهها وتبكي ومنهاره هي منهاره وزادت من نباح الكلب والموع غرقت عيونها ومعاد تشوف ايش قدامها من كثرت الدموع.......
جاه الولد يجري ينت الناس لاتخافي مايسوي شي وبعدين هو مربوط شوفي بعينك لا جاك ولاشي ولما رفعت غدير وجهها الولد انصدم من عيون غدير الحمرا.............
الولد::لا حول ولاقوه الا بالله هذا كله عشان نبح معليش امسيحها بوجهي
غدير::تمسح الدموع ها لا موكذا ممكن اتكلم من جوالك جوالي خلصت البطريه وانا بصراحه تايها وابي اكلم اهلي يجوني,,,,
الولد::ليش انتي من فين وايش الي جابك هنا؟؟؟
غدير::ها لالا خلاص مشكور مشت
خافت تقول للولد با القصه يمسكها ويبلغ الشرطه
الولد::يابنت يابنت اصبري خدي جوالي
غدير::لا خلاص مشكور
استغرب الولد حالت غدير وان شغل خاف يصير للبنت شي وصار يراقبها من بعيد وكملت طريقها وهي تصيح من داخلها وعيونها مو مخليتها اتشوف الطريق حست ان احد وراها قرت المعوذات مافي كمان في احد وراها طالعت لورى الا الولد وراها......صرخت لالالالا الله يخليك روح عني ايش تبغى مني خلاص انا اليت قريب انا ما اديتك اتركني تكفى خليني بحالي........
الولد::يابنت الناس والله مو قصدي اديتك بس ان انشغلت عليك وانت بعيد عن البيت وتايه وهنا الشباب كثير يروحو ويجو خدي جوالي وكلامي احد يجيك وانا والله بوقف بعيد حتى تخلصي مكالمه..
غدير طاحت بالارض تصيح على نفس الوضع الاول جاء الولد يركض مسك غدير من ظهرها ينت النا تعودي من ابليس وقولي ايش السالفه يمكن اقدر اساعدك.......
غدير::ماقدرت تتكلم صوتها راح فيها اعطاها الولد المايه شربت ونست ان ولد غريب قدامه والولد انبهر برقه غدير وشكلها الناعم ونعومه عيونها انتبهت غدير ان الولد متنح فيها رمت با الطرحه من غير النقاب........
حلفت غدير الولد بكل شي غالي عنده انه مايضرها حلف الولد وبدات غدير تقول للولد با االقصه وهي تبكي وتصيح وهو المسكين يهدي فيها وكمان با الشارع
الولد::اجل انتي خويه نواف ال.....
غدير::خافت ها لا ها ايوه لاا مو مين انواع الارتباك...
الولد::ضحك على غدير طيب اسمعي يابنت الناس نواف خوي الروح با الروح وهو الحين با الشرطه
غدير ماخلت الولد يكمل كلامه الي وهي تصيح لالالالالا اصلا انت ايش دراك انت جيت من البيت لا تكذب على وتقول انك عارف
الولد::بابينت الناس صح انا جيت من البيت بس لاتنسي ان في شي اسمه جوال وتصل فيني فهد ولد عمت نواف وقالي شوف في احد بر بنت شرطه هيئه ويوم سألته ليش قال السالفه وهو بيجي ياخدك بس مراقبوعشان تتأكدي الحين اكلمه وا انتي كلميه بنفسك عشان تتأكدي
غدير::الو فهد انا غدير امانه تقولي فين نواف
فهد::انتي ايش الي وداك عند فيصل
غدير::الحين انت طمني وبعدين هو يقولك السالفه
فهد::تكمني هو بخير بس مره خايف عشان جوالك مقفل والبنات يقولو شافوكي والحين بيجوك
غدير::اي بنات؟
فهد::صديقاتك الي كانو معاكي
غدير::طيب مع مين بيجم ماسالتهم
فهد::والله الي عرفته انه خوي وحده اسمها ايمان
غدير::فهد تكفى انا لو اموت بمكاني ما اطلع مع هذا الانسان تكفى قولي ايش اسوي
فهد::طيب اسمعي هما الحين بيجوك وبكلم فيصل يوديك انتي وياهم
غدير::اوك
فهد كلام فيصل وماقصر
جو البنات وغدير اول ماشفت البنات صرخت وجلست تبكي وحضنوها البنات وهي تبكي وهما يهدؤ فيها الين ماهدت
وطلعو البنات مع فيصل عشان غدير ماتحب تركب مع خالد تكره اساسآ لان مره اخد رقمها من ايمان واتصل فيها من غير علم ايمان وبغى يتعرف عليها ومن ها الكلام ومن هداك اليوم كرهته.......
مشو البنات على بيت هيفاء عشان غدير حالتها صعبه تروح البيت اهلها يشوفوها بهذا الحاله وهي بالسياره كلمها نواف وهي طايره من الفرح وكمان الدموع مشاركه فرح ودموع..........واليوم الثاني جت الهيئه لقسم الشرطه عشان نواف بس كمان مافي فايده اخدو نواف ودوه لهيئه الدعاء ومدري وشو حتى نص اليوم وبعد التحقيق طلع با السلامه..
صارت غدير تخاف مره لو شافت شرطه حتى لوهي مع اخوه ولا ابوها.........
"""""""""""""""""""""""""""""""""""""""""""""""""" """"""""""""""""""""""
بعد اشهر نواف كان ينصح غدير من ايمان بس غدير كانت تقول لا ياقلبي احنا اكثر من صديقات ونواف ياقلبي والله هذا الي عرفته من خويها يوم جاء بيتعرف علي وجارته با الكلام وكان يتصل بأكثر من وحده عشان يبين اصدقه ويقولي لازم الواحد يغير...
خالد::يتكلم علي ايمان ويسأل غدير ماتتكلم عن ايمان بكلام مو حلو
نواف::استغرب من كلامه ويوم سأله ليش؟؟ قال ابدآ بس قلت دام ايمان تقول كذا فأكيد بينهم شي واكيد غدير تتكلم كمان مثل خويتها بكلام مو حلو عنها
نواف::لو سمحت انا احترمتك بس لا تجيب طاري خويتي على لسانك ثاني مره وخويتي مستوها ارقى من كذا بكثير واذا خويتك تتكلم عن غدير بهذا الكلام اكيد هي حسدتها ولا غيرنه منها اوشي من هذا والحين عن اذنك انا مشغول
............
نواف حب يتأكد من هذا الكلام صحيح اول لا ومن قهره على حبيبته واذا ايما فعلا تقول كذا ايش السبب يمكن عشان خالد كان يبي يتعرف على غدير وغدير هزاته وقالتلي كان نواف يفكر مليون تفكير..
"""""""""""""""""""""""""""""""
اخر يوم برمضان يعني بكره عيد راحت غدير عند الكوفيره وراحت معها ايمان وشوق اول مادخلو رن جوال شوق
شوق::رقم غريب الو مين
محمد::ممكن اكلم جدتي بكره عيد وابي ابارك لها با العيد
شوق::تستهبل انت ..غلطان
محمد::طيب خطيبتي فينها؟؟
شوق::لا والله قلت لك غلطان وقفلت
شوق قالت لا ايمان وضحكت على السالفه غدير دخلت عند الكوفيره جاء دورها ويوم خلصت غدير البنات قالوا لغدير با السالفه غدير قالت عالم فاضيه اليوم عيد والله يعين..
شوق ويمان يبغوا السوق راحو الثلاث سوى خلصو من السوق رجعو البيت
ايمان::اقول شوق اذا اتصل فيك الولد هذا اعطيني ايه
شوق::ليش خلينا نستهبل وياه
ايمان::ايه بنستهبل
شوق::اقول ايش رايك نتصل فيه
اتصلو بالرقم وتكلمو مع بعض ايمان طلبت من الولد يتصل على جوالها ومعاذا يتصل على هذا الرقم
تعرفت ايمان با الولد وكان اول يوم با العيد غدير ببيت جدها والبنات شوق وهيفاء وايمان بيت جدهم اتصلو البنات على غدير..
ايمان شوق هيفاء::هاي غدير وحشتينا
غدير::ياقلبي والله وانتو اكثر ها كيف العيد مياكم
البنات::حلو ماشي الحال وانتي؟؟
غدير::مره حلو مانقصني غير نواف يكون معاي
البنات::لاحول لازم بعني اقول بكره ايش الجدول
غدير::ليش انا معلمتكم وانا مادري
البنات::ههههههههه لا بس نبي نفلها بكره
غدير::ايش رايكم ناخد السياره ونروح نفحط
البنات::فكره حلوه بس سيارت مين ناخد؟؟
غدير::انتو ماعليم انا ادبرها انتو بس جهزوا الاشمغه.......باي
........................
جاء اليوم الثاني
نواف::غدير اليوم فين بتروحي
غدير::مدري والله يمكن يجونا ضيوف
نواف::غدير اشبك مو من عادتك تخبي علي
غدير::حبيبي اشبك في شي؟؟
نواف::لا سلامتك بس اتمنى ماتتعودي تخبي شي
غدير::اممممممممم
نواف::قولي ايش بتقولي
غدير::بصراحه بسرق السياره وبنروح نفحط
نواف::غدير انتي مجنونه وش ذا الهبال تروحي تفحطي افرضي انكشفتو انكم بنات افرضي اخوانك ويبغو السياره مالقوها سيارت مين من اخوانك بتاخدي ها قولي اذا انتي ماتبغي نفسك انا ايس بسوي من بعدك تبغيني انتحر اموت كافر بسبت جنانك..اذا تبغي تسوقي قولي انا بوديك المزرعه وسوقي براحت بس تضيعي نفسك لالالا وتسببي لااهلك الكلام مو حرام عليكي
غدير::انهبلت يوم سمعت طاري الموت وصاحت تبكي ياعمري انا اسفه والله ما اسويها ولا افكر فيها اوعدك بس لاتقول كذا
نواف::انا اقول كذامن خوفي عليكي وعلى مصلحتك..اوعديني ماتفكري بشي هذا خليني امشي وانا مطمن عليكي بكل مكان الله يوفقك..ومليون مره اقول دموعك هذا اغلى من الغالي لاتبكي لاتبكي عشاني
غدير::طيب خلاص ما حبكي واوعدك مأفكر بشي هذا
نواف::ايوه كذا انتي غدوره حبيبتي..الحين ابش نظامك غير هذا النظام
غدير::انحرجت..هههههههه..انت ايش بتسوي طيب
نواف::انا بيجوني ضيوف وبس
غدير::يعني ماحتقدر تكلمني؟؟
نواف::وليش هما بيجو عندي ولا عند الجوال اكيد بكلمك عشان اطمن عليكي
غدير::او حبيبي انا بكلم البنات نروح الملاهي اوك
نواف::اوك حبيبي انتبهي لنفسك وطمنيني عليكي
""""""""""""""
غدير::الو ايمان اسمعي خلاص بنطلع نروح اي منتزه تمام
ايمان::ليش مو على اساس بنروح نفحط؟
غدير::ياشيخه روحي اتجهزي حسستيني اني ولد بنعومتي
ايمان::لا والله وليش؟
غدير::بدون تحقيق بتروحو ولا ايش؟؟
ايمان::اوك طيب بنروح نتجهز وانتي كلمي هيفاء
غدير::الو هيفاء بنروح ممنتزه اتجهزي
هيفاء::ليش والتفحيط؟؟
غدير::لاحول مافي بتروحي المنتزه ولا ايش؟؟
هيفاء::اوط طيب لاتنفخي اتجهز الحين..باي
___________________
ايمان كلمت محمد خويها الجديد
ايمان::محمد خلاص احنا بنروح المنتزه خويتي الي كلمتك عنها بتروح تقابل خويها عامله يها الوفيه المخلاصه وهي من جنبها
محمد::مين؟
ايمان::يؤؤؤؤؤؤؤؤه غدير اشبك تنسى مره
محمد::ليش هي خاينه خويها
ايمان::يؤؤؤؤؤؤؤه تكلم كثير بس مو قدامنا وعامله حاله الوفيه المخلصه قدامنا وهي كذابه ختى خانتني مع حبيبي عشان كذا انا سبته
محمد::طيب خويها هذا الي اسمه نواف يحبها ليش تخونه..وليش تخونك وانتي اقرب صديقه لها
ايمان::الله لا يسامحه بس مغروره تبي كل شي لها مدري ليش واصلا نواف لايحبه ولا شي هي تطلع من عندي وهو على طول يتصل فيني يبي يتعرف علي بس انا مأرضى واكلمه عشان مايسبب بيني وبينها مشاكل وغدير احنا نطلع من عندها وهي تبدء الاتصالات الغريبه
محمد::يؤؤؤؤؤؤؤه وليش طيب يكذبوا على بعض
ايمان::ياشيخ ماعلينا منهم الحين بروح اجهز حالي قبل لاتجي الوسخه غدير
محمد::طيب هي فين بتقابله؟
ايمان::اكيد بيرحوا البيت اصلا هي ماترتاح الا بالبيوت عشان ترتاح فعلا
محمد::الله يعينهم..يا الله قلبي انتبهي انتي على حالك واول ماتوصلي طمنيني عنك
..............
محمد::هاء نواف ايش بتسوي الحين بتقول لغدير ولا ايش بتسوي
نواف::الحيوانه هذا قلبت راسي الحين انا عندي انعم بنت وكلها رقه وملمحها الحنونه اترك واروح اكلم هذا المخلوقه ياشيخ والله ان مادفعتها ثمن كل كلمه قالتها وا الوسخه الا هي مو غدير
محمد::الحين انا اسألك ايش بتسوي مو تتحلف
نواف::ولا شي..انا الحين مرسلك عشان اثبت لغدير وقاحت البنت هذا..انقلب الموضوع علي
اخاف لة كشفتها تقول لغدير كلام وتتبل وتقول اني اكلمها
محمد::ياشيخ انت عند وحده راكزه وتحبك مو مثل باقي البنات يعني مو من كلمه بتصدقها وبعدين انتو الثقه بينكم قويه يعني اتفأل خير
نواف:: ان شاء الله..كلام هذا الوسخه شوف ايش تقول..دقيقه غدير ارسلت رساله
غدير::كتبت حبيبي انا طالعه من البيت بروح المنتزه ...نفسي اسمع صوتك بس مأبغى احرجك مع ضيوفك اذا شفت نفسك كلمني..احبك
محمد::ياشيخ با الله احمد ربك شوف البنت مرسلتلك رساله انها طالعه المكان الفلاني وانت جالس تبي تصدق كلام الوسخه هذا
نواف::طيب يمكن تبين اتطمن عشان مازعجها ولا يمكن متفقه مع الولد يكون ساكت ولاشي
بعد دقائق نواف جته رساله ثانيه من
غدير..حبيبي اذا ماتقدر تكلمني اقل شي ارسل رساله تطمني عنك مو كذا تطنشني ولا حتى رنه اعرف انك بخير..اموت فيك
محمد::والله يا نواف انك ماتستحي على وجهك ياشيخ كلم البنت با الله هذا وجهه وجه مقابله صح مليون واحد يتمناه بس لو وحده بتروح تقابل ماحتقد كل شوي وترسل رساله
نواف::طيب اتصل على ايمان شوف ايش تقول
محمد::الو ها قلبي طمنيني عنك..وفينك معاك احد ولا راحت صحبتك
ايمان::انا بخير قلبي..لا باقي منتظرته يجي
محمد::هههههه ليش هو فينه اسأليه ابي اسمع صوت الخاينه هذا
ايمان::ها لا ايش تبغاني اقول
محمد::عادي قولي لها ليش مجاء عشان تروحي بدري وترجعي بدري
ايمان::ها لالا ايش دخلني
محمد::عادي ياقلبي تكفين والله نفسي اسمع الوقاحه كيف تطلع منها
ايمان::طيب ابنزل الجوال عشان ماتقول ليش
محمد::اوك..نواف اسمع ترى اسف الكلمه الي قلتها
نواف::ماعليك بعدين بتعتدر..جواته نار يبي يسمع رد غدير وخايف من الصدمه
ايمان::اقول غدير فين حبيبك مجاء ياخدك
غدير::آآآآآآآآآآه بس من حبيبي ياريته على طول بجنبي..حبيبي ياستي عنده ضيوف وصعبه يخليهم ارسلت له رساله بس غريبه مارد ولا حتى رنه اعطني يكمني عنه
ايمان::ها لايكون عند الجو الجديد ويضحك عليكي..اصلا انتي مجرد نزوه بحياته تبي تنرفزه عشان تقول كلام مو بمحله
نواف::عصب من كلام ايمان لغدير
طبعآ غدير استغربت كلام ايمان فصرخت بوجهه وعطتها كف
غدير:: ايش قاعده تقولي انتي عارفه انه غير نواف بقلبي مافي ونواف مافي بقلبه غيري ويكفي اني متأكده من الشي هذا وماهمني تعرفي ولا ماتعرفي اشربي بحر وماتوقت يطلع منك هذا كله
ايمان::والله انك غبيه تعرفي ان نواف يتصل فيني كل يوم يبي يكلمني بس انا مو راضيه ومابغى اقولك خايفه عليك من الصدمه..وانتي عارفه غلوتك بقلبي قد ايش
نواف::صرخ هذا الي كنت خايف منه صار ايش اسوي انا الحين
محمد:اهد خلينا نسمع ايش غدير ترد وبعدين صرخ براحتك كان اقل شي طمنت البنت عشان ماتساعد الوسخه هذا تتشمت فيكم..
غدير::تصدقي انا اول مره اكتشف انك حسوده نواف متى يكلمك ان شاء الله وكم دقيقه يكلمك باليوم المشكله انك غبيه ليش ماتدري ان نواف مايفارقني الا وقت النوم يعني طول اليوم وحنا مع بعض ولو اروح عند الجني الازرق يجي معاي يعني مستحيل اروح مكان نواف مايجيه...طيب ياقلبي اعطاك هديه العيد ولا باقي قولي عشان قبل ماينام بحضني اليوم بذكره يا حسوده..عن اذنكم
محمد::الو ايمان فين رحتي
ايمان::ها سوري حصلت مشكله ونست الجوال
محمد::لا عادي..ها ايش سويتي شكلك لحالك
ايمان::ايه والله اختي وبنت خالتي يلعبو وغدير خويه جاه وراحت الله ياخدها ان شاء الله
محمد::ليش تكرهيها
ايمان::انا ما اكره احد بس هي مغروره
محمد::ما عليه قلبي اسمعي بعدين اكلمك الحين اصحابي جوني...باي
نواف::بسرعه اتصل بغدير يبي يتأكد هي فين...بس غدير ماردت الا بعد اتصلين عصب ليش ماترد اكيد راحت معاه
محمد::يايشيخ استحي على دمك ماسمعت البنت كيف تدافع عنك لو وحده غيرها كان عملت لك حفله..وعيب عليك بعد ها السنين تقول البنت خاينه
نواف::طيب لي ش ماترد وليش ما اتصلت
محمد::اشلون تتصل وانت قلت لها عندك ضيوف وارسلت لك وانت مارديت
نواف::اتصل مره ثالثه
غدير::الو بصوت مبحوح كانت تبكي
نواف::غدير انتي فينك ليش ماتردي واشبه صوتك
غدير::ها لا ولاشي وماسمعت الجوال
نواف::طيب فين انتي الحين
غدير::انا........نواف ممكن سؤال
نواف::امري..
غدير::اشبك زعلان وليش تكلمني كذا حبيبي انت زعلان من شي
نواف::لا سلامتك ايش بتسألي
غدير::انت تحبني؟؟انت عمرك فكرت تخوني؟؟
نواف::ببرود ايوه احبك ولا افكر اخونك
غدير::طيب اشبك تكلمني ببرود انا ضايقتك بشي
نواف::قلت لك لا
غدير::اوك لاتعصب اخليك الحين باي
جلست غدير على طاوله والمسكينه تصيح وتبكي وهيفاء وشوق يدور عليها شفوها جالسه با الطواله عرفوها من العبايه سمعو صوت البكي قبل مايوصلو لها
هيفاء شوق::غدير قلبي اشبك ايش هذا كله
غدير::تصيح ولا قالت ولا كلمه
شوق راحت سألت ايمان اشبها غدير منهاره
ايمان::من جدك فين والله مادري
شوق::ياحيوانه كيف ماتدري مو انتو كنتو سوى كيف ماتدري
هيفاء::اتصلت على نواف
نواف استغرب ايش تبغى هيفاء
نواف::الو ايوه هيفاء
هيفاء::نواف انت ايش سويت لغدير مافي غيرك ممكن يخليه تنهار بهذا الشكل
نواف::انتي ايش قاعده تقولي غدير اشبها
هيفاء::غدي منهاره صيح وكل مانسألها اشبك تنادي بأسمك
نواف::اوك باي
نواف يا عمري محمد الحق علي البنت منهاره بكي والله احس قلبي بيتقطع اليوم انا اخاصمها على البكي والحين اكون انا سبب الدموع لالالا انا لازم اروح لها
نواف::الو هيفاء كيف غدير الحين
هيفاء::يعني مو كويسه بطلت البكي وبنوديها البيت بس امها ايش يتقول
نواف::لا انتظرو نص ساعه انا بجي اشوفها بس لا تقولي لها
محمد::انبسطت الحين شفت كيف كل شي انقلب فوق البنت وانا خلاص مو ذاق على الوسخه هذا كل شوي تتصل ان ماربيتها ودفعه ثمن كل دمعه طلعتها غدير
نواف::وانت ايش دخلك
محمد::لاشيخ مونا السبب الحين يالله روح شوف البنت
نواف::راح محل الورد واخد باقه ورد كبيره وراح لغدير
نواف كان يتصل بغدير وغدير زعلانه ماتشوف حتى الي بجنبها
اتصل نواف ع هيفاء::الو ايوه نواف
نواف::ها في اي مكان انتو
هيفاء::احنا با المكان........
نواف جاء بيده باقه الورد وارسل محمد يطلب ايس كريم كون زون الي غدير تحبه
وقف نواف وراى الكرسي حقت غدير وبتردد قال غدير
غدير ماصدقت معقوله هذا صوت نواف..نواف كان مغطي بالورد على وجهه يوم شاف غدير وقفت وعيونها حمرا انصدم..............غدير يوم شافت نواف ماصدقت نواف انت هنا عشاني
نواف::واروح لااخر االدنيا عشانك
غدير::على طول رمت نفسها بحضن نواف وضربته بدلع على كتفه مو حرام عليك ليش اول سويت فين كذا
نواف::انا اسف ياعمري والله غصبن عني و الغيره واشيطان عموني سامحيني
غدير::اوك مسامحتك بس بعدين بتقولي ايش الي صار اتفقنا
نواف::يس اتفقنا وباسه على جبينها وباس يده واعطاه باقه الورد
ورجعت ضمته ثاني مره الله لا يحرمني منك
نواف::حبيبي تبغي ايس كريم كون زون
غدير::عن جد
نواف::ليش انا عمري كذبت عليك بشي
غدير::نواف يؤؤؤؤؤؤؤه مو قصدي
نواف::ياعمري به الدلع با الله معقوله انا اسيب القمر هذا واروح للشمس وطالع ع ايمان بنص عين وهي فهمت جاء محمد بالايس كريم تغطت غدير
نواف::حياك محمد تعال ويوم شافت ايمان محمد انصدمت
نواف::غدوره هذا احلى ايس كريم لا احلى غدوره
غدير استحت من محمد وقال محمد الله يجمع بينكم على خير ان شاء الله ويبعد عنكم الحساد يارب
هيفاء وشوق::امين يارب
ايمان::سكتت ماقلت شيوبعد ايام نواف صارح غدير بكل شي وانصدمت غدير من اعز صديقه عندها معقوله تعمل فيها كذا وليش ايش السبب بعد هذي السنين يطلع منها الحسد ليش انا ماعمري اغترت عليهم ولا احب اطالع للناس ياربي ان ايش سويت لها طبعآ غدير زعلت من ايمان وراحت لها البيت وهزاتها معقوله ي ايمان يطلع الحسد والكره هذا كله بقلبيك وليش انا ايش سويت لك ياخسره على عمري الي قضيتها وياك ماتوقعتك با الوقاحه هذا كانت ايمان بتنكر بس محمد ماخلها اعترف بكل شي قالته وبعض كلام مقاله محمد لا انه اكبر من كلمه وقاحه تعبت ايمان وراحت المستشفى كانت تبي غدير تسامحها بس الكلام الي قالته ايمان مو سهل عشان تقدر بيوم تنساه
كان البنات يحاولوا يصالحو بينهم بس غدير مارضيت وبعد اسبوع ايمان جت لغدير حتى البيت تعتذر منها وكانت تبكي وغدير مو من النوع الي يرضى بسرعه مع الناس بس مع نواف مستحيل ماترضى بسرعه بثواني بس ترضى عليه وهو اصلا مايزعلها وهي تقول ابي استغل كل لحظه حلوه ومابغى شي يبعدني عنه حتى الزعل...
وبعد اسبوع رضيت غدير على ايمان بس علاقتها فيها سطحيه مو مثل اول لاانها باقي شويه نار بقلبها ماطفيت ومستحيل غدير تطفيه بالحقد لا ان قلبها مايعرف الحقد ولا الانتقام..............
"""""""""""""""""""""""""""""""""""""""""""""""""" """""""""""""""""
واخيرآ اتمنى اشوف ردودكم الحلوه وتنال اعجابكم القصه انتظروني با الجزء الثاني من القصه بأحدث حلوه اكشنمع البنات الفله ورمنسيه مع غدير ونواف....
بحفظ الرحمن الرحيم
السبت أكتوبر 10, 2009 6:25 pm