من يقول القلب عـن حبـك سـلا
والله انـك ملـح زاده والـشـراب
مرحبا بـك يابعـد عمـر ي هـلا
ذا صدى صوتي يبلّغـك الجـواب
ما غفـت عينـي بعـد صـدك ولا
انجلى طيفك ولـو طـال الغيـاب
دامنـي حـيٍ علـى الدنيـا فـلا
ينشغل ظنـك ولا تحسـب حسـاب
مابـه احـدٍ فـوق هالبيـدا مـلا
نظرت اعيوني سوى زاهي الخضاب
مارأت عينـي بعـد زينـك حـلا
كل زيـنٍ بعـد شوفتكـم سـراب
ربـع ابقـلـبٍ بليـتـه وابـتـلا
اشغلـه حبـك وذوقـه الـعـذاب
تدري انه من هـوى غيـرك خـلا
وتدري انك دون نزواتـه حجـاب
انتِ نجـمٍ فـوق هالزرقـا عـلا
وانتِ شمسٍ شامخه فوق السحـاب
ما يزيـن الشعـر ياعمـر ي بـلا
وصفكم يااجمل عناويـن الكتـاب
الأربعاء أبريل 01, 2009 4:23 pm